იტალიელი ჟურნალისტი და ტრანსფერების ექსპერტი ალფრედო პედულა SportItalia-ს პოდკასტში გამოვიდა და „ნაპოლისთან” დაკავშირებულ საკითხებს შეეხო:
„ვიქტორ ოსიმენს საუდის არაბეთში გადასვლა არ უნდა. შესაბამისად, „ნაპოლი” 130 მილიონ ევროს ვერ მიიღებს. „პარი სენ ჟერმენმა” და სხვებმა კი მაქსიმუმ 80 მილიონი გაიღონ.
და რა მოხდება თუ რომელიმე კლუბი აურელიო დე ლაურენტისს 80 მილიონს შესთავაზებს? უნდა ვივარაუდოთ, რომ მართალია ნიგერიელის შემცვლელად კლუბს ყველაზე მეტად რომელუ ლუკაკუს მიყვანა გაუხარდებოდა, მაგრამ არის აგრეთვე ხიმენესისა და დოვბიკის ვარიანტებიც.
რაც შეეხება პორტუგალიელ მცველ მარიო რუის, მას სამშობლოში იწვევენ, რამდენიმე კლუბმა შესთავაზა გადასვლა და როგორც ჩანს ის „აძურის” დატოვებს”.
შეგახსენებთ, რომ ოსიმენის „ნაპოლიდან” წასვლა კარგა ხნის გამოცხადებული ამბავია, ოღონდ ეგაა, ჯერჯერობით კონკრეტული ნაბიჯები არ გადადგმულა. ამბობენ, რომ საკუთრივ ფეხბურთელი ინგლისში გადასვლაზე ოცნებობს.
