პსჟ-ის თავდამსხმელმა კილიან მბაპემ კლუბიდან წასვლასთან დაკავშირებით პარიზის ცენტრში 250 ადამიანისთვის გამოსამშვიდობებელი ვახშამი მოაწყო.
სტუმრებს შორის იყო საფრანგეთის პრეზიდენტი ემანუელ მაკრონი.
2024 წლის ზაფხულში 25 წლის ფეხბურთელს პარიზულ კლუბთან კონტრაქტი ეწურება და ის მადრიდის „რეალს“ თავისუფალი აგენტის სტატუსით შეუერთდება. მბაპე სამეფო კლუბთან ხუთწლიან კონტრაქტს მოაწერს ხელს. თავდამსხმელი „რეალში“ წელიწადში 15 მილიონ ევროს მიიღებს – იმაზე ნაკლებს, ვიდრე პსჟ-ში უხდიდნენ. ამ შემთხვევაში, მოთამაშეს აქვს 150 მილიონი ევროს ოდენობის ხელმოწერის ბონუსი, მოსალოდნელია, რომ ფეხბურთელის ტრანსფერის შესახებ ოფიციალური განცხადება ივნისში გამოქვეყნდება.
მიმდინარე სეზონში მბაპემ პსჟ-ის შემადგენლობაში 47 მატჩი ჩაატარა, 44 ბურთი გაიტანა და 10 საგოლე პასი გააკეთა. ლიგა 1-ის შედეგებით, თავდამსხმელი ჩემპიონატის საუკეთესო ბომბარდირად გახდა 27 გოლით და შვიდი პასით.
