ხვალ ხვიჩა კვარაცხელიას „ნაპოლი” უდინეში თამაშობს, მაგრამ მიიღებს თუ არა ამ შეხვედრაში მონაწილეობას თავად ხვიჩა, უცნობია. „პარტენოპეელები” გუშინ შეხვედრისთვის კასტელ ვოლტურნოს საწვრთნელ ცენტრში ემზადებოდნენ. მატჩს დიდი მნიშვნელობა აქვს. დარჩენილ შეხვედრებზეა დამოკიდებული მოხვდება თუ არა 2022-23 წლების სერია A-ს ჩემპიონი რომელიმე ევროთასზე, ევროპის ან კონფერენციის ლიგაში, თუმცა მწვრთნელ ფრანჩესკო კალცონას სანერვიულო დაემატა: ვარჯიშის მსვლელობისას მატეო პოლიტანო და კვარა დაშავდნენ. ქართველს კუნთი გაეჭიმა და ფაქტობრივად დანამდვილებით ამბობენ, რომ „უდინეზესთან” ვერ ითამაშებს. ის დარბაზში შევიდა, სადაც ტრენაჟორებთან განაგრძო მუშაობა. მატეო პოლიტანო კი ჟუან ჟესუსს შეუერთდა და მართალია მოედანზე, მაგრამ გუნდისგან დამოუკიდებლად, მსუბუქად ვარჯიშობდა.
სასეირო ფაქტია, რომ „უდინეზეს” სათავეში უდგას 2006 წლის მსოფლიოს ჩემპიონი და საუკეთესო ფეხბურთელი ფაბიო კანავარო, რომელიც ნეაპოლელია და „ნაპოლის” თავკაცობაზე ოცნებობს. ხვალ სამი ქულა მის გუნდსაც ძლიერ სჭირდება — უდინელები მე-18 ადგილზე არიან და თუ ცხრილში პოზიცია არ გაიუმჯობესეს, გავარდებიან. კანავაროს სამი ქულა მშობლიური ქალაქისთვის აქვს წასართმევი.
ავტორის პროფილი
- "სარბიელის" ძველი ავტორია. იშვიათად ილია ბაბუნაშვილის ფსევდონიმითაც წერს. ხანდახან ცდილობს იხუმროს, მაგრამ უწყინარია.
უახლესი პოსტები
აქეთურ-იქითური14/06/2026 | 11:29ინფანტინომ იღლაბუცა
მთავარი ამბავი14/06/2026 | 10:46VAR-მა შვეიცარიას გოლი გაატანინა
აქეთურ-იქითური13/06/2026 | 08:39იყო თუ არა გასაგდები ბოსნიელების მეკარე?
აქეთურ-იქითური13/06/2026 | 07:22ხვალინდელი ბრძოლისთვის UFC-მ სარეკორდო 60 მილიონი დახარჯა