საიტმა ilnapolista-მ „ნაპოლის“ სავალალო მდგომარეობასა და ცხრილში მეცხრე პოზიციას მოკლე წერილი მიუძღვნა, რომელსაც აქ გადმოვაქართულებთ. ჟურნალისტი ჯანლუიჯი ტრაპანი წერს:
„მოდი, სერიოზულად ვილაპარაკოთ. ყოველი თამაშის ბოლოს ჩვენ ვიწყებთ ახლანდელი მდგომარეობის დაუსრულებელ შედარებას გასულ სეზონთან, მაგრამ ჯობს რეალურ განსხვავებას დავაკვირდეთ:
- კიმის ადგილას მოიყვანეს ნატანი. ის ვერ თამაშობს და როდესაც აღარავინ დარჩა, ჟუან ჟესუსს მიადგნენ.
- ლოსანოს ადგილას მოიყვანეს ლინდსტრომი. ის ვერ თამაშობს. სამაგიეროდ თამაშობს პოლიტანო, რომელიც 35 წუთის შემდეგ კვდება. ნგონგე მოედანზე ბოლო 5 წუთით შედის.
- ჟელინსკის მაგივრად წესით რასპადორი უნდა თამაშობდეს, მაგრამ ამ საქმიდან არაფერი გამოვიდა, რადგან რასპადორის ფუნქცი ვერავინ გაიგო. ან უნდა თამაშობდეს ტრაორე, მაგრამ მას ფეხებში ჟანგიანი ვინტები აქვს ჩაყენებული.
- სპალეტის ნაცვლად მოიყვანეს რუდი გარსია, მერე მაცარი და მერე კალცონა…
- ჯიუნტოლის საქმეს დე ლაურენტისი აკეთებს.
მეცხრე ადგილი? რას ამბობთ, ვფიქრობ, ეს ნამდვილი სასწაულია.
