„ნაპოლიმ” რომელიც ევროთასზე გამსვლელი ადგილისთვის იბრძვის, ერთ-ერთ აუტსაიდერ „ფროზინონეს” ვერ მოუგო — 2:2. სეზონის დამთავრებამდე 6 ტურით ადრე „აძურის” 49 ქულა აქვს და მერვე ადგილზეა. ხვიჩა კვარაცხელიამ მატჩი შეუცვლელად ჩაატარა და ასეთი შეფასებები მიიღო:
calciomercato — 6 ჩვეულებრივზე ნაკლებ ეპიზოდში მიიღო მონაწილეობა. მეტი ჩართულობისთვის, რაც დრო გადიოდა, მით უფრო მეტაც შედიოდა შუაში და მართლაც უფრო მეტად დაეტყო თამაშს.
iamnaples — 6 შეხვედრის მსვლელობისას იმპულსურად მოქმედებდა. ხანდახან უსხლტებოდა მეტოქეს და თამაშს ამწვავებდა, ხანდახან კი შეტევითი მანევრიდან გამოდიოდა. ასეა თუ ისე, ოსიმენის გოლი მისმა თამაშმა მოიტანა.
areanapoli — 6.5
napolipiu — 6.5 ინიციატივას იჩენდა. მეტოქის დაცვა მუდამ საქმეში ჰყავდა.
tuttonapoli — 5 პირველ ტაიმში სათამაშო ეპიზოდებში იშვიათად მონაწილეობდა და მარიო რუიც არ ეხმარებოდა. მეორე ტაიმში ნაპერწკალი გაუჩნდა და ოსიმენის გოლში წვლილი შეიტანა.
calcionapoli24 — 6.5 გარემარბი მოწინააღმდეგეებს პირველად მე-10 წუთზე დაუსხლტა. ეს დასაწყისი იყო. სულ ცოტა ხნის შემდეგ მან მეკარესთან პირისპირ ოსიმენი შეიყვანა. პოლიტანოს მიერ მარცხენა ფეხით გატანილმა გოლმა ის საბოლოოდ გამოაფხიზლა და მისი დარტყმის შედეგად ტუარტიმ ბურთი კუთხურზე მოიგერია, იქიდან ჩაწოდებული კი მისივე მეცადინებოთ გოლად იქცა – 2:1. მან შეძლო კონცენტრაცია, რამდენჯერმე ცუდად დაარტყა და დრიბლინგით თითქმის ყველა დუელი მოიგო.
ilnapolista — 6 (5) ჩე კვარა კარში დარტყმის, უფრო მეტად კი გოლის შეგდების მანიით არის შეპყრობილი. ზოგჯერ გამოსდის, ზოგჯერ — არა. მანია ყველა ვარიანტში არ არის კარგი რამ. ეს როგორც წესი დარღვევაა და მას ფეხბურთის თვალსაზრისით მკურნალობა სჭირდება. და კიდევ, კვარაცხელიას ნიჭი კვლავ რჩება თვითნაბადად და ბრწყინვალედ, რასაც მე-13 წუთზე მის მიერ ვიქტორისთვის მიცემული პასი მოწმობს.
ამავე საიტის მეორე ავტორი ხვიჩას მხოლოდ ხუთ ქულას უწერს და ასე განმარტავს: პირველ ტაიმში ის უბრალოდ არ ჩანდა, მეორეში კი მოედანს დაეტყო. ეს აშკარად არ არის ის თამაში, რასაც მისგან ველით და რასაც მან შეგვაჩვია.
gazzetta — 7.0
ტრადიციულად უფრო მაღალი ქულები დაწერეს იმ პორტალებმა, რომლებიც ფეხბურთელებს სტატისტიკაზე დაყრდნობით აფასებენ. კვარაცხელიას თამაში Flashscore-მა 8.7, ხოლო whoscored-მა 8.8 ქულით შეაფასა, რასაც ფოტოებზეც ხედავთ.
