აშშ-ი, „მანჩესტერ სიტისა“ და „არსენალის“ შეხვედრა, ისტორიაში ყველაზე ყურებადი გამოდგა.
პრემიერლიგის 30-ე ტურის შეხვედრაში, პეპ გვარდიოლას გუნდი „მეთოფეებს“ დაუზავდა (0:0).
NBC Sports-ის ინფორმაციით, მატჩს ამერიკაში თვალი 2.12-მა მილიონმა ადამიანმა მიადევნა, რაც პრემიერლიგის შეხვედრებს შორის ისტორიაში ყველაზე მეტია. ტელემუნდოსაც თუ მივათვლით, სადაც ესპანურენოვანმა მოსახლეობამ უყურა, 2,59 მილიონამდე ავდივართ.
არტეტას გუნდი ახლა მეორე ადგილზეა (65 ქულა), „სიტი“ მესამეზე (64), პირველზე კი „ლივერპულია“ (67).
