გთავაზობთ პორტალ ilnapolista-ს ჟურნალისტის არმანდო დე მარტინოს რამდენიმე აბზაცად ჩამოწერილ მოსაზრებებს „ნაპოლისა” და „ჯენოას” 1:1 დამთავრებული შეხვედრის შესახებ:
- ვალტერ მაცარიმ იმდენჯერ აურია კარტი, იმდენჯერ გადააწყო-გადმოაწყო ქაღალდი, რომ წარუმატებლად დაწყობილი პასეანსის თვლა აერია. მან ისედაც დამტვრეული სათამაშო ბოლომდე დაამტვრია. ამას ფრანგი არ სჯობდა?
- ერთადერთ კაცი, რომელსაც ამ შეხვედრაში გამოკვეთილი ჰქონდა ორიენტირი და ბურთს საჯარიმოში აწვდიდა იყო პასკუალე მაცოკი, რომელიც გუშინდლამდე სერია B-ში გამოდიოდა.
- „ჯენოასთან” თამაშის პრინციპი ასეთი იყო: მიეცით ბურთი კვარას და ვნახოთ რა მოხდება… „ჯენოამ” შეიძლება კედელი აღმართა, მაგრამ „ნაპოლი” სამშენებლო მოედნის დათვალიერებით დაკმაყოფილდა.
- მატჩს ჰქონდა არახელსაყრელი ტემპი. პირველ ტაიმში მეტოქის სამი შეტევიდან ორი მერეტის მიერ კარის გადარჩენით დამთავრდა.
- მოედანზე დაბრუნებულმა „ნაპოლიმ” ნაცვლად იმისა, რომ მოწინააღმდეგე გაებრდღვნა, გოლი გაუშვა. ნეაპოლელებს მრისხანე გუნდი აღარ გვყავს. გართობათა პარკად ვიქეცით: 0-1.
- ხარისხი დაცემულია, მაგრამ თუ მას თამაშს მაინც დაამატებთ, შესაძლოა ესა თუ ის ამოცანა გადაჭრათ. დათვი სირილ ნგონგე ამ წლის ერთადერთი წარმატებული შენაძენია: 1-1.
- მოდი ასე ვთქვათ: ჩვენი გუნდი არის ქვიშის საათი. ყველას ერთი სული გვაქვს როდის გადავატრიალებთ მას. მაცარის კი ერთადერთი ნაკლი აქვს: ვერ ხვდება, რომ არაფრად ვარგა. და ეს იდეალური ალიბია იმ ფეხბურთელებისთვის, რომლებიც უნიჭობას ეგუებიან.
