საქართველოს ეროვნული გუნდი 2024 წლის პირველ ამხანაგურ მატჩს 9 ივნისს, მონტენეგროსთან გამართავს.
ეროვნული გუნდი მონტენეგროს პოდგორიცაში, „გრადსკი სტადიონზე“ შეხვდება.
შეგახსენებთ, რომ ეს საქართველო – მონტენეგროს მესამე მატჩი იქნება, ორჯერ გუნდები ერთმანეთს მსოფლიოს 2010 წლის შესარჩევ ეტაპზე შეხვდნენ, მაშინ მონტენეგროში ჩვენები 1:2 დამარცხდნენ, თბილისში კი ფრედ, 0:0 ითამაშეს. საქართველოს მაშინ არგენტინელი რაულ ექტორ კუპერი თავკაცობდა.
