დე ლაურენტისმა ისევ სამწლიანი შესთავაზა

Antonio Conte head coach of Juventus celebrates the victory after the Serie A match between Juventus and Atalanta BC at Juventus Arena on May 5, 2014... ჟურნალისტმა მიქელე კრისჩიტიელომ SportItalia Calciomercato-თან საუბარში თქვა, რომ მომავალ სეზონში „ნაპოლის” შეიძლება ახალი მწვრთნელი გაუძღვეს.

„ჩვენ გავიკითხ-გამოვიკითხეთ და დაბეჯითებით შეგვიძლია გითხრათ, რომ ამ დღეებში აურელიო დე ლაურენტისი ანტონიო კონტეს შეხვდა. „აძურის” პრეზიდენტს სურს ზაფხულიდან გუნდი სალენტოელ მწვრთნელს ჩააბაროს. მან კონტეს სამწლიანი კონტრაქტი შესთავაზა.

კონტემ რა უპასუხა? მას არც ჰო უთქვამს და არც არა. „იუვენტუსის”, იტალიის ნაკრების, „ჩელსის”, „ინტერისა” და „ტოტენჰემ ჰოთსფურის” ყოფილმა მწვრთნელმა დე ლაურენტისს სთხოვა ამ საკითხზე ფრთხილად იფიქრონ და დასძინა: ჩვენ ამ თემას ისევ დავუბრუნდებით”, — თქვა ჟურნალისტმა.

შემდეგ კრისჩიტიელომ განმარტა, რომ კონტეს „მილანში” უნდა მუშაობის დაწყება, თუმცა მილანელთა აღმასრულებელ დირექტორ ჯორჯო ფურლანის სტეფანო პიოლის წასვლის შემდეგ ტიაგო მოტას მიყვანა ურჩევნია. სხვადასხვა მიზეზთან ერთად, მოტა ნაკლებ ხელფასს მოითხოვს.