საქართველოს ქალთა ეროვნული ნაკრები ერთა ლიგის მეხუთე ტურში, თბილისში ლუქსემბურგს დაპირისპირდა და 4:2 დაამარცხა.
პირველი ტაიმში საქართველოს ნაკრები მეტოქეს ორი ბურთით ჩამორჩა და ამ დროს მიხეილ მესხის სახელობის სტადიონზე… განათება გამოირთო. უეფა-ს დელეგატთან კონსულტაციის შემდეგ შეხვედრა დაახლოებით ერთ საათში, მიხეილ მესხის სახელობის სტადიონის სათადარიგო მოედანზე 43-ე წუთიდან გაგრძელდა.
მეორე ტაიმში ქართველებმა ოთხი გოლის გატანა მოახერხეს და ერთა ლიგაზე პირველი გამარჯვება მოიპოვეს.
ხუთი ტურის შემდეგ საქართველოს ნაკრები ხუთი ქულით ჯგუფში მეორე ადგილზეა. მომდევნო მატჩს ირის ანტმანის გუნდი 5 დეკემბერს, სტუმრად, თურქეთის ნაკრების წინააღდმეგ ჩაატარებს.