ესპანური „ბარსელონა“ ფიფასგან 3-დან 4,3 მილიონამდე ევროს მიიღებს ნახევარმცველ გავის ტრავმის გამო, რომელიც ფეხბურთელმა 2024 წლის ევროპის ჩემპიონატის შესარჩევი ეტაპის A ჯგუფის მე-10 ტურის მატჩში მიიღო ესპანეთისა და საქართველოს ნაკრებებს შორის (3: 1).
„ბარსელონას“ ფულს კლუბების დაცვის პროგრამის ფარგლებში გადაუხდიან. კომპენსაციის დარიცხვა დაიწყება მოთამაშის ტრავმიდან 28-ე დღეს და დამოკიდებული იქნება მის ფიქსირებულ ხელფასზე. ერთი მოთამაშის ტრავმის მაქსიმალური ანაზღაურება არის 7,5 მილიონი ევრო წელიწადში ან 20,548 ევრო დღეში. „ბარსას“ გადასახდელების ოდენობა 16 დეკემბრიდან დაითვლება.
გავრცელდა ინფორმაცია, რომ გავიმ შეიძლება ექვსიდან რვა თვემდე ვერ ითამაშოს. ამრიგად, ფიფასგან კომპენსაციის ოდენობა შეიძლება იყოს 3,082,200 ევროდან 4,315,080 ევრომდე.
