21 ნოემბერს პოლონეთის ნაკრები ლატვიასთან ამხანაგურ შეხვედრას გამართავს, მაგრამ მასში „ნაპოლის” ნახევარმცველი პიოტრ ჟელინსკი მონაწილეობას ვერ მიიღებს. მას ანგინა სჭირს. ქვეყნის ფეხბურთის ფედერაციამ გაავრცელა განცხადება:
„პიოტრ ჟელინსკიმ ეროვნული გუნდის შეკრება დატოვა. ის ავად არის, მას ანგინის დიაგნოზი დაუსვეს”.
17 ნოემბერს პოლონელებმა ევროპის ჩემპიონატის შესარჩევ შეხვედრაში ჩეხეთთან 1:1 ითამაშეს. ჟელინსკის ავადმყოფობის გამო არ უთამაშია. პოლონელებმა E ჯგუფში დაასრულეს გამოსვლა. მათ 11 ქულა აქვთ და მესამე ადგილზე არიან. 10 ქულა აქვს მოლდოვას, რომელიც 20 ნოემბერს ჩეხეთში თამაშობს.
