პარკერ ოტელში გადაწყდა: გარსია რჩება!

Hotel Corso Vittorio Emanuele Naples - Grand Hotel Parkers დღეს დილით ნეაპოლში, კორსო ვიტორიო ემენუელეზე მდებარე სასტუმრო „პარკერ ოტელში” გაიმართა „ნაპოლის” ტოპ-მენეჯერებისა და მწვრთნელის რუდი გარსიას შეხვედრა. შეხვედრის აუცილებლობა შაბათს „ფიორენტინასთან” 1:3 დამარცხებამ განაპირობა. შეხვედრის ბოლოს მოხდა ბოლო პერიოდისთვის უპრეცედენტი რამ, „მარადონაზე” ტრიბუნებმა თავიანთ ფეხბურთელებს უსტვინეს.

ჟურნალისტმა ჯენარო დელ ვეკიომ ინტერნეტში დაწერა: „შეხვედრა რამდენიმე წუთის წინ დასრულდა. კლუბმა გადაწყვიტა რუდი გარსიასთან ერთად განაგრძოს მუშაობა. თათბირის დამთავრების შემდეგ გარსია საფრანგეთში გაფრინდა. „აძურის” მეპატრონის აურელიო დე ლაურენტისის მოთხოვნა მკაფიოა: ოთხეულში შესვლა და ჩემპიონთა ლიგის ჯგუფურ ეტაპზე თამაშის უფლების მოპოვება”.

სანაკრებო შესვენების შემდეგ „პარტენოპეელებს” სამი მნიშვნელოვანი შეხვედრა აქვთ: „ვერონასთან” შინ, „უნიონ ბერლინთან” ბერლინში და „მილანთან” შინ.

ამრიგად, გარსიას მომავალზე მსჯელობა ნოემბრისთვის გადაიდო.