ჩემპიონთა ლიგის ჯგუფურ ეტაპზე „ნაპოლისა” და „რეალის” შეხვედრის შემდეგ (2:3) ნეაპოლელთა მარჯვენა გარემარბმა მატეო პოლიტანომ თქვა:
„კარგი სტარტის შემდეგ ჩავარდნა გვქონდა და ამ მონაკვეთში ორი გოლი გავუშვით. მეორე ტაიმში უპირატესობა უკვე ჩვენს ხელთ იყო. ამ უპირატესობის ფონზე, შედეგმა ძალიან დაგვწყვიტა გული, მაგრამ ერთი ფაქტია: რა გზასაც ვადგავართ, იმ გზაზე უნდა განვაგრძოთ სიარული.
რასაკვირველია, უკეთაც შეგვეძლო, განსაკუთრებით მოწინააღმდეგის კართან, მაგრამ „რეალი” დიდი გუნდია. მწამს, რომ დღეს „ნაპოლიმ” მადრიდელებს ტოლი არ დაუდო”.
