მიუნხენის „ბაიერნის“ ყოფილი თავმჯდომარე, ოლივერ კანი, მიიჩნევს, რომ მისი წასვლა გერმანული კლუბიდან წინა პროფესიულ კარიერას უკავშირდება.
„როცა ხალხის გონებაში მეკარედ დამკვიდრდები, ძნელია რაიმე განსხვავებული გააკეთო, ვიდრე მაშინ. ისინი ვერ აცნობიერებენ, რომ შენ განვითარდი, მათ კი ისევ მეკარე კანი სჭირდებათ“, – თქვა კანმა.
ოლივერმა ფეხბურთელობისას „ბაიერნში“ 14 წელი გაატარა. 632 მატჩი ჩაატარა, 592 გოლი გაუშვა და 247-ჯერ კარი მშრალად შეინახა.
2021 წლიდან 2023-მდე კანი „ბაიერნის“ საბჭოს თავმჯდომარე იყო. მის ხელმძღვანელობით ბავარიელებმა ორჯერ მოიგეს ბუნდესლიგა.
