დამიანი: გუდმუნდსონი კვარას ტექნიკით სჯობია

calciomercato წერს, რომ სპორტულმა აგენტმა ოსკარ დამიანიმ Secolo-თან ინტერვიუში ხვიჩა კვარაცხელია ისლანდიელ იოჰან ბერგ გუდმუნდსონს შეადარა და თქვა, რომ გუდმუნდსონი ხვიჩას ღონით ჩამოუვარდება, თორემ ტექნიკით უკეთესია.

იტალიური საიტი აგენტის ამ ნათქვას გასაკვირს უწოდებს, ჩვენ კი „ნაპოლის” 22 წლის მარცხენა გარემარბისა და იმავე ამპლუაში მოთამაშე „ბარნლის” 32 წლის ფეხბურთელის შედარებაზე არც კი შევჩერდებოდით, ინტერნეტში ერთი საინტერესო ფაქტისთვის რომ არ მიგვეკვლია — ოსკარ დამიანიმ ამა წლის აპრილში Radio 1-თან ინტერვიუში ბრძანა:

„ჯორჯ ბესტი დიდი ფეხბურთელი იყო, მაგრამ კვარაცხელია უფრო მეტია. შესაძლოა ის ფიზიკურად არის ბესტზე ძლიერი. იმედი მაქვს, რომ კვარა ბესტის ჭკუაზე არ მოექცევა და მისნაირად არ იცხოვრებს”.

გუდმუნდსონი, კვარაცხელია და ბესტი… საინტერესო სამკუთხედი შეკრა დამიანიმ.