რა უნდა ვთქვათ? უსახური ფეხბურთი და მორიგი მარცხი. საქართველოს ნაკრები ევროპული საშუალო დონის გუნდებთანაც კი უსუსტესად გამოიყურება და უშანსოდ აგებს.
ვილი სანიოლის გუნდი ამჯერად ნორვეგიაში დამარცხდა – 1:2. ანგარიშმა არ მოგატყუოთ – ბრძოლა არ ყოფილა. ჩვენებმა საწყისი 15 წუთი ფეხბურთის მაგვარი ითამაშეს და შემდეგ მოედანზე ერთი გუნდი ბატონობდა.
ნორვეგიელებმა ჩვენები დაჯაბნეს, აჯობეს ყველაფერში და დამსახურებულადაც გაიმარჯვეს. უკვე მერამდენედ ხდება, რომ შესარჩევი ეტაპის დასაწყისშივე უშანსოდ ვრჩებით. სხვა რა? რა უნდა ვთქვათ, იმაზე მეტი, რაც აქამდე გვითქვამს…
