რას უკეთებს გარსია ნატანს?

Natan Bernardo de Souza of SSC Napoli before the Serie A TIM match between SSC Napoli and US Sassuolo at Stadio Diego Armando Maradona on August 27,... „არ მესმის რას აკეთებს რუდი გარსია ნატანთან დაკავშირებით”, — თქვა „ნაპოლის” ისტორიული გუნდის კაპიტანმა ბეპე ბრუსკოლოტიმ, რომელიც დიეგო მარადონას დროს „აძურის” დაცვაში თამაშობდა. ის 1987 წელს ნეაპოლელთა პირველი სკუდეტოს მფლობელი გახდა. საუბრის საგანი ზაფხულში „ბრაგანტინოსგან” ნაყიდი ბრაზილიელი მცველის უქმობა გახლდათ. ცენტრალური მცველი, რომელიც თითქოსდა სამხრეთ კორეელი კიმი მინ-ჯაეს ერთ-ერთ სავარაუდო შემცვლელად მოიაზრებოდა, ჯერაც დებიუტს ელის.

„ეს ბიჭი ფეხბურთის სათამაშოდ ჩამოვიყვანეთ თუ ჯერ უნივერსიტეტში უნდა ვატაროთ? მოედანზე ჩვენ, ფეხბურთელებს, ერთმანეთის ჟესტებითაც კარგად გვესმის. ენის ცოდნა აუცილებელი არ არის”, — თქვა ბრუსკოლოტიმ.

შემდეგ, „ნაპოლის” ყოფილი კაპიტანი, რომელიც რადიო Punto Nuovo-ში გამოდიოდა, „ლაციოსთან” წაგების მიზეზებსაც შეეხო. მან თქვა: „ჩემი აზრით „ნაპოლი” მეტოქეს ფიზიკურ მომზადებაში ჩამორჩებოდა. ამ ეჭვს მიძლიერებს ის, რომ მეორე ტაიმში გუნდის ცნობა შეუძლებელი იყო. თუმცა, დარტყმა, რომელიც გუნდმა ამ შეხვედრაში მიიღო, შეიძლება სასარგებლოც გამოდგეს. ახლა ჯობს ჭოჭმანს მოვეშვათ და ახალ მწვრთნელს ნდობა გამოვუცხადოთ”.