ავსტრალიასა და ახალ ზელანდიაში მიმდინარე 2023 წლის ქალთა მსოფლიო ჩემპიონატზე ჯგუფური ეტაპი დასრულდა. დღეს ვითარებას ბოლო, H ჯგუფის გუნდები არკვევდნენ.
ტურნირის ერთ-ერთ ფავორიტად მიჩნეული გერმანიის ნაკრები სამხრეთ კორეისას შეხვდა, 1:1 ითამაშა და რადგან პარალელურ მატჩში მაროკომ კოლუმბიას მოუგო (1:0), ტურნირს სენსაციურად, ნაადრევად დაემშვიდობა.
კოლუმბიელებმა და მაროკოელებმა 6-6 ქულით პირველ-მეორე ადგილები დაიკავეს, 4-ქულიანმა გერმანიამ – მესამე. კორეელბმა კი მხოლოდ ერთი ქულის მოპოვება შეძლეს და ბოლო ადგილზე გავიდნენ.
მერვედფინალური წყვილები ასე გამოიყურება:
შვეიცარია – ესპანეთი
ნიდერლანდები – სამხრეთ აფრიკა
იაპონია – ნორვეგია
შვედეთი – აშშ
ავსტრალია – დანია
საფრანგეთი – მაროკო
ინგლისი – ნიგერია
კოლუმბია – იამაიკა
მატჩები 5-8 აგვისტოს გაიმართება.