„ლივერპულისა“ და სლოვაკეთის ნაკრების ყოფილმა მცველმა, მარტინ შკრტელმა, კარიერის დასრულების შესახებ ჟურნალისტებს ემოციები გაუზიარა.
„უკვე მივიღე გადაწყვეწტილება. რა თქმა უნდა, იქნება შემთხვევები, როცა ძალიან მომენატრება ფეხბურთი, მაგრამ ვაღიარებ, ამას ნამდვილად არ ვნანობ. ვაპირებდი თუ არა როგორმე ფეხბურთში დაბრუნებას? სამწუხაროდ, ჯანმრთელობა აღარ მაძლევს საშუალებას. შევეგუე. ფეხბურთელის ცხოვრება დასრულდა. ახლა მხოლოდ მომავალს ვუყურებ.“
შკრტელმა კარიერა სამშობლოში, „ტრენჩინში“ დაიწყო. 2004 წელს კი სანკტ-პეტერბურგის „ზენიტში“ გადავიდა, რომელთანაც მოგვიანებით რუსეთის ჩემპიონი გახდა. შემდეგ „ლივერპულის“ მაისურა მოირგო და იქ რვა წელიწადს დაჰყო. „ფენერბაჰჩეში“ და „ბაშაკშეჰირშიც“ ითამაშა. 38 წლისამ კი კარიერა ტრნავას „სპარტაკში“ დაასრულა.
სლოვაკეთის ნაკრებში (2004-2019) მარტინმა 104 შეხვედრა ჩაატარა და ექვსი ბურთი გაიტანა.
