ნაპოლი 14 ივლისს იწყებს

ახლოვდება მოსამზადებელი სეზონი, რომელსაც „ნაპოლი” ტრადიციულად იტალიის უკიდურეს ჩრდილოეთში, დიმაროსთან, ვალ დი სოლეში ატარებს. ფეხბურთელები პარასკევს, 14 ივლისის, საღამოს უნდა შეიკრიბონ. შაბათ-კვირას დილის ვარჯიშები ათ, ხოლოს საღამოს ვარჯიშები 17:30-ზე გაიმართება. იტალიის ჩემპიონი დიმაროში 25 ივლისამდე დარჩება.

დანიშნულია პირველი ამხანაგური შეხვედრაც: სამშაბათს, საქართველოს დროით 20 საათზე „ანუანესთან”. ცრუმორწმუნეთათვის ალბათ მნიშვნელოვანია, რომ „ნაპოლიმ” „ანუანესთან” შარშანდელი პრე-სეზონის დროსაც ითამაშა (10:0) და სწორედ იქ შედგა ხვიჩა კვარაცხელიას დებიუტი „აძურის” შემადგენლობაში. ქართველმა გარემარბმა ახალ გუნდში მყისიერი ეფექტი მოახდინა.

წლევანდელი მატჩი საინტერესო იქნება ახალი მწვრთნელის რუდი გარისიას იდეების გასაცნობად.