მადრიდის „რეალმა“ თავის ოფიციალურ ვებ-გვერდზე თავდამსხმელ ხოსელუს ტრანსფერის შესახებ გამოაცხადა, რომელიც გასულ სეზონში პრიმერადან აწგავარდნილ „ესპანიოლში“ თამაშობდა.
ხოსელუ მადრიდის „რეალში“ იჯარით გადავიდა. მადრიდულ კლუბს 33 წლის თავდამსხმელის შეძენის შესაძლებლობა მომავალი სეზონის ბოლოს ექნება.
იგი ადრე „რეალის“ სისტემაში ირჯებოდა, სამეფო კლუბის ახალგაზრდულ გუნდში თამაშობდა.
ხოსელუს ოფიციალური პრეზენტაცია 20 ივნისს, „რეალის“ საშინაო სტადიონზე გაიმართება. ამის შემდეგ თავდამსხმელი მედიასთან ისაუბრებს.
ხოსელუმ გასულ სეზონში ესპანიოლის შემადგენლობაში ყველა ტურნირზე 38 მატჩში 17 ბურთი გაიტანა და 4 საგოლე გადაცემა შეასრულა.
თავდამსხმელს კატალონიურ კლუბთან კონტრაქტი 2025 წლის ივნისამდე აკავშირებს.
