ლიონელ მესიმ „პარი სენ-ჟერმენი“ დატოვა და 30 ივნისს თავისუფალი აგენტი ოფიციალურად გახდება. ბოლო პერიოდში მისი ტრანსფერის შესახებ ბევრი იწერებოდა. საუბარი იყო საუდის არაბეთის „ალ ჰილალში“ გადასვლაზე, სადაც მას ორწლიან კონტრაქტს და წელიწადში 600 მილიონ ევროს სთავაზობდნენ. აქტიურად განიხილავდნენ ლეოს „ბარსელონაში“ დაბრუნებასაც.
თუმცა სატრანსფერო სპეკულაციებს სავარაუდოდ, წერტილი დაესვა – არგენტინელი მსოფლიო ჩემპიონი MLS-ში გადაბარგდა და კარიერას დევიდ ბექემის „ინტერ მაიამიში“ გააგრძელებს. ტრანსფერი ოფიციალურად უახლოეს დროში გამოცხადდება.
