მაგრამ, ტრიბუნის დასჯა ყველაზე დიდი პრობლემა არ არის. სოციალურ ქსელებში „ვალენსიას” მისამართით არ წყდება აგრესიის ნიაღვარი. კლუბს ტვიტერისა და რამდენიმე სხვა ინტერნეტ-პლატფორმის შეჩერებაც კი მოუხდა. გუშინ დილით „ვალენსიამ” დაწერმა: „კვირას ჩვენ „მესტალიაზე” ვბრუნდებით. ერთად, გამარჯვებისკენ!”. ამ ტექსტს ბულინგის ნიაღვარი მოჰყვა.
აგრესორებმა განსაკუთრებით რამდენიმე ფეხბურთელი ამოიჩემეს, მათ შორის სამწუხაროდ, ქართველი მეკარე გიორგი მამარდაშვილი, რომელმაც ინტერნეტში თავისი გვერდები გააუქმა.
საგანგებო თავდასხმის ობიექტია ბრაზილიელი გაბრიელ პაულისტაც.
მამარდაშვილი კონფლიქტში მხოლოდ იმიტომ ჩაერია, რომ თანაგუნდელს გამოექომაგა და არა იმიტომ, რომ კანის ფერის გამო ვინისიუსის დაჩაგვრა მოუნდა. სამწუხაროდ, ეს მოხდა საყოველთაო ისტერიის ფონზე, როდესაც რასიზმთან გულწრფელად თუ ყალბად მებრძოლებისთვის იმის ახსნა, რომ მეგობრის გამოქომაგება ვაჟკაცური საქციელია, უკვე შეუძლებელი იყო.
ჩვენ, სრულ მხარდაჭერას ვუცხადებთ ქართველ მეკარეს! ეჭვი არ გვეპარება, რომ ეს უსამართლო ინციდენტი მას მხოლოდ გააძლიერებს!
