როგორც იქნა მოიგეთ

„ყოჩაღ, თქვენ სკუდეტოს მოგება მოახერხეთ”, — ეს სიტყვები, „იუვენტუსის” თავკაც მასიმილიანო ალეგრის ეკუთვნის. ასე, ირონიულად მიმართა იტალიის ექვსგზის ჩემპიონმა მწვრთნელმა („მილანი”, „იუვენტუსი”) 23 აპრილს, „ალიანც სთედიუმზე”, „ნაპოლის” სათადარიგოთა სკამს. შეხვედრა იყო დაძაბული, დრამატული. გაიმარჯვეს სტუმრებმა 1:0. ამ მოგებით „ნაპოლიმ” ფაქტობრივად გაინაღდა სერია A-ს ჩემპიონის წოდება, „შავ-თეთრების” ბანაკს კი დარჩა შთაბეჭდილება, რომ მეტოქემ უსამართლოდ გაიმარჯვა.

ალეგრის სიტყვები მავანმა გულშემატკივარმა ვიდეოზე ჩაიწერა და რად უნდა ლაპარაკი, რომ ეს ჩანაწერი ინტერნეტში პოპულარული გახდა. ასევე არ არის გასაკვირი, რომ მან ტურინელებისადმი ნეაპოლელთა ტრადიციული ქიშპი კიდევ უფრო გააძლიერა.