პირველმა ქართულმა პროფესიულმა სარაგბო ფრენჩაიზმა ამერიკის აღმოსაჩენად ოკეანე გადალახა, ურუგვაის დედაქალაქ მონტევიდეოში ჩავიდა და პირველივე მატჩში ფურორი მოახდინა – არგენტინული ფრენჩაიზი „დოგოს XV“ დაუნდობლად გაანადგურა – 75:19.
ეს იყო „შავი ლომის“ დებიუტი სამხრეთამერიკულ ტურნეზე და რა დასამალია, ამერიკის სუპერლიგის ერთ-ერთ ლიდერის ასე დამცირებას ვერავინ იწინასწარმეყველებდა, მაგრამ 56-ქუიანი უპირატესობა ფაქტობრივი გარემოებაა და ამას ვერც არგენტინელები გაექცევიან და ვერც ქართველები.
მოგეხსენებათ, შარშან „შავი ლომი“ კონკურსგარეშე სამხრეთ აფრიკის ჩემპიონატის – ქარის თასის მეორე დივიზიონში ჩაერთო და იქ ისეთ მინდვრებს, ისეთ მსაჯობას და ისეთ მასპინძლობას გადააწყდა, რომ არა მგონია, მსგავსი რამ კიდევ განმეორდეს.
მონტევიდეოში კი პირობები მართლაც შესაშურია – სასტუმროც, სტადიონიც, მსაჯობაც…
მაგრამ ჩვენი ნაკრების საბაზო გუნდი, რომელიც არგენტინელებს მეორე შემადგენლობით დაუხვდა, იმდენად აღემატებოდა მეტოქეს, რომ უმალ გაჩნდა ეჭვი, ნუთუ ამერიკის სუპერლიგა ესოდენ სუსტია, რომ მის ლიდერს მეორე შემადგენლობით უბრალოდ ნაცარტუტად აქცევ?
იმედგაცრუებაც სწორედ ესაა. იმედია, სამხრეთამერიკელები ქართველებს მეორე და მომდევნო მატჩებში სათანადოდ დააფასებენ და უფრო სერიოზულად მიუდგებიან საქმეს.
თამაშზე აბა, რა მოგახსენოთ? 11 ლელოს ავტორებსა და გარდასახვების შემსრულებლებს ჩამოგითვლით, სხვა არცაა საინტერესო
11 ლელო: მიხეილ გაჩეჩილაძე (2), თენგიზ ზამთარაძე, ოთარ ლაშხი, თენგიზ პერანიძე, მიხეილ ბაბუნაშვილი, მირიან მოდებაძე, თორნიკე აქუბარდია, ლაშა ხმალაძე, სოსო მათიაშვილი, დემე თაფლაძე.
10 გარდასახვა: ლუკა მატკავა (9), გიორგი ბაბუნაშვილი.
