მიუნხენის „ბაიერნმა“ მწვრთნელი იულიან ნაგელსმანი თანამდებობიდან გაანთავაისუფლა.
ინფორმაციის გავრცელებიდან მალევე ცნობილი გახდა, რომ მიუნხენელები ნაგელსმანის ადგილზე თომას ტუხელს დანიშნავენ, რონელთანაც 2,5-წლიანი კონტრაქტი გაფორმდება. ტუხელთან შეთანხმება უკვე მიღწეულია – დარჩენილია ამ სამწვრთნელო ცვლილების ოფიციალური დადასტურება. მისი დებიუტი კი 1 აპრილს, „დორტმუნდთან“ საშინაო მატჩში შედგება. შეგახსენებთ, რომ სადღეისოდ ბუნდესლიგას სწორედ „დორტმუნდი“ ლიდერობს, რომელიც „ბაიერნს“ ქულით უსწრებს.
მიმდინარე სეზონში მიუნხენელები განაგრძობენ ბრძოლას ბუნდესლიგის, გერმანიის თასისა და ჩემპიონთა ლიგის მოსაგებად, მეტოქეებად კი ხსენებული „დორტმუნდი“, თასზე „ფრაიბურგი“, ჩემპიონთა ლიგაში კი „მანჩესტერ სიტი“ ჰყავთ.
ერთიც: პსჟ-მდე და „ჩელსისთან“ ერთად ჩემპიონთა ლიგის მოგებამდე, თომას ტუხელი სწორედ „დორტმუნდს“ თავკაცობდა.
