ვილი სანიოლი: ნორვეგიას ჰოლანდი ჰყავს? ჩვენ – კაშია!

საქართველოს ნაკრებმა მარტის შეხვედრებისთვის შეკრება დაიწყო. ტრადიციულად, ნაკრების მწვრთნელმა ვილი სანიოლმა უახლოესი მატჩების წინ პრესკონფერენცია გამართა და ჩვენს კითხვებს უპასუხა:

…ხოჭოლავასთან დაკავშირებით  უჩვეულო ვითარებაა. დიდი ხანია ვიცით რომ მუხლი აწუხებს და ოპერაცია სჭირდება, თუმცა, ბოლო ტურში კლუბმა მაინც ათამაშა, მას ქირურგიული ჩარევის შემდეგ 6-7 კვირა გაუცდება, სწორედ, ეს იყო არგამოძახების მიზეზი, თორემ ხოჭოლავა ნაკრებში ყოველთვის სიამოვნებით თამაშობს, – თქვა საქართველოს ნაკრების მწვრთნელმა.

…ლოჩოშვილს ტრავმის შემდეგ ბევრი გაუცდა და ამიტომ არ გამოვიძახეთ ამ შეკრებაზე.

…საბა საზონოვს, არაერთხელ ვესაუბრეთ და სურვილი აქვს, რომ საქართველოს ნაკრებში ითამაშოს. ჯერ ოფიციალური მატჩი არ ჩაუტარებია, მაგრამ თუ ჩავთვლით, რომ მზადაა, ნორვეგიასთან ითამაშებს.

… ასევე ვიტყვი ლუკა გაგნიძეზეც – ნიჭიერია და მიმაჩნია, რომ ნაკრებში საუკეთესოებმა უნდა ითამაშონ. ეს ის შემთხვევაა, როცა სპორტი პოლიტიკისგან უნდა გავმიჯნო. გაგნიძე ადრე არ გამოვიძახე, მაგრამ ბოლო პერიოდში მის თამაშებს დავაკვირდი და ვთვლი, რომ შანსს იმსახურებს.

… ყაზაიშვილი? ყველა ფეხბურთელმა თანაგუნდელებს ანგარიში უნდა გაუწიოს. გუნდში პოზიტიური გარემო უნდა იყოს, რისთვისაც ყველამ ერთნაირად უნდა ვიმუშავოთ. ამ ეტაპზე, ვაკოს გამოძახებისგან თავი შევიკავე, თუმცა მომავალში ვნახოთ.

… 17 წლის გაბრიელ სიგუა თანამედროვე ტიპის ფეხბურთელია, მას ლეონ გორეცკას შევადარებდი. ფეხბურთელებს ნაკრებში იმიტომ ვიწვევ, რომ ითამაშონ და არა სასტუმროში იცხოვრონ. სიგუასაც დავაკვირდებით და გადაწყვეტილებას ამის მიხედვით მივიღებთ.

… საქართველოში ვსაქმიანობ და, ბუნებრივია, ვითარებას თვალს ვადევნებ. სპორტსმენებს აქვთ უფლება, გამოხატონ საკუთარი პოზიცია რაც მათ ქვეყანაში ხდება. საქართველოს ყველაფერ საუკეთესო ვუსურვებ, მაგრამ კონკრეტულ მოვლენებზე საკუთარ პოლიტიკურ პოზიციას მე არ დავაფიქსირებ, რადგან ნაკრების მწვრთნელი ვარ – თან უცხოელი.

… მეტოქე  გუნდების მოთამაშეებზე საუბარს ყოველთვის ვერიდები. ნორვეგიას ჰოლანდი ჰყავს? ჩვენ – კაშია.

…მიხარია, რომ ჩაკვეტაძე მუმდივად თამაშობს და იმედი მაქვსა, ნაკრებსაც დაეხმარება. მთავარია, რომ დაბრუნდა და სისტემატურად თამაშობს. მოედანზე ადგილი მისთვისაც მოიძებნება…