დინამოელებს იტალიელები უყურებენ

თბილისის დინამოელები – ანზორ მექვაბიშვილი და გიორგი მოისწრაფიშვილი „სასუოლოს“ ყურადღების ცენტრში მოექცნენ.

რა გასაკვირია, რომ იტალიაში ხვიჩა კვარაცხელიას გამოჩენის შემდეგ ქართველ ტალანტებს ახალი შესაძლებლობები გაუჩნდეთ.

იტალიელები წერენ, რომ 2001 წელს დაბადებული ფეხბურთელები „დინამოს“ ეკუთვნიან. „სასუოლო“ მათ შეძენას მომავალი სეზონის წინ გეგმავს.

მექვაბიშვილი ცენტრალური ნახევარმცველია, რომელმაც გასულ სეზონში ქართულ ლიგაში 5 გოლი გაიტანა და 7 მატჩი ეროვნულ ნაკრებშიც ჩაატარა. არის ეროვნული გუნდის ფეხბურთელი.

მარჯვენა შემტევი ნახევარმცველია გიორგი მოისწრაფიშვილი, რომელსაც გარემარბადაც შეუძლია თამაში. მან შარშან 8 გოლი გაიტანა და 8 საგოლე პასი გააკეთა. საქართველოს 21-წლამდელთა ნაკრებში 7 მატჩში 3 გოლი გაიტანა

ზაფხულში „სასუოლოს“ ნახევარდაცვაში ცვლილებები იგეგმება. არის ვარაუდი, რომ კლუბი მაქსიმ ლოპესმა და დავიდე ფრატესმა დატოვონ, ხოლო მექვაბიშვილი და მოისწრაფიშვილი ახალი პროექტის ნაწილი გახდნენ. თუმცა, ჯერჯერობით, ტრანსფერის წინაპირობა მომზადებული არ არის.

„სასუოლოს“ უკვე იწყებს მუშაობას მომავალი სეზონის ტრანსფერებზე – ორ პოტენციურ ახალწვეულს კი საქართველოდან ელიან“, – წერენ ჩვენი იტალიელი კოლეგები.