ერთ-ერთ იტალიური გამოცემის ეთერში ცნობლიმა იტალიელმა ფეხბურთელებმა კრისტიან ვიერიმ და ანტონიო კასანომ ხვიჩა კვარაცხელიაზე ისაუბრეს.
„მიმაჩნია, რომ დღესდღობით კვარაცხელია მსოფლიოში საუკეთესო მარცხენა გარემარბია, ის კომანზე და გრილიშზე ძლიერია, უბრალოდ, ფენომენია! – თქვა კასანომ, – მინდა, მისი სტაბილური თამაში ჩემპიონთა ლიგაშიც ვნახო. წელს რაც მან გააკეთა, ყოველგვარ ლოგიკას ცდება. ლეაოზე ბევრად მაგარია – „მილანის“ ფეხბურთელისგან განსხვავებით, ის უფრო ფართო დიაპაზონის მოთამაშეა და ბევრად მეტი იცის”.
“სპალეტი სიტყვებს ჰაერზე არ ისვრის, როდესაც მან თქვა, რომ კვარამ მარადონასთვის დამახასიათებელი გოლი გაიტანა და კიმი მსოფლიოში საუკეთესო მცველია, მწვრთნელს ამას საფუძველი ჰქონდა. „ატალანტასთან“ კვარას გოლი ნამდვილი სიგიჟე იყო. „მანჩესტერ იუნაიტედში“ რომ გადავიდეს, ჯორჯ ბესტის დრო დაბრუნდება. მოუთმენლად ველი, როდის დაიწყება ჩემპიონთა ლიგაში „ნაპოლისა“ და „აინტრახტის“ მატჩი“, – ეს კი კრისტიან ვიერის სიტყვებია.
