„ტოტენჰემ ჰოთსპურის“ მთავარმა მწვრთნელმა ანტონიო კონტემ, შესაძლოა, „მანჩესტერ სიტისთან“ პრემიერლიგის 22-ე ტურის მატჩი ოპერაციის გამო გამოტოვოს.
იტალიელმა ცოტა ხნის წინათ მუცლის ძლიერი ტკივილი იგრძნო. მას შემდეგ, რაც მას ქოლეცისტიტის დიაგნოზი დაუსვეს. შედეგად ნაღვლის ბუშტის ოპერაციის გაკეთება გადაწყდა.
სპეციალისტს ოპერაცია 1 თებერვალს ჩაუტარდება და გამოჯანმრთელების შემდეგ ტოტენჰემს დაუბრუნდება.
„ტოტენჰემმა“ 21 მატჩში 36 ქულა მოაგროვა და მიმდინარე პრემიერლიგის სატურნირო ცხრილში მეხუთეა. ლიდერი კი ლონდონის „არსენალი“ (50) გახლავთ.
