არგენტინამ ლეო მესისა და ენცო ფერნანდესის გოლებით მექსიკას 2:0 მოუგო და C ჯგუფში პოლონეთის შემდეგ საუდის არაბეთთან ერთად მეორე-მესამე ადგილებს იყოფს. პოლონელებს 4 ქულა აქვთ, არგენტინელებსა და საუდელებს სამ-სამი. ბოლო ადგილზე ერთქულიანი მექსიკაა.
ახლა ვნახოთ რა შემთხვევაში გავა მესის გუნდი ფლეი-ოფის ეტაპზე.
არგენტინა ჯგუფში პირველ ადგილზე გავა თუ ის ბოლო ტურში ნებისმიერი ანგარიშით მოუგებს პოლონეთს, ხოლო მესიკისა და საუდეთის შეხვედრა ფრედ ან მექსიკის გამარჯვებით დასრულდება.
არგენტინა ჯგუფში პირველ ადგილზე გავა თუ ის მოუგებს პოლონეთს, საუდის არაბეთი კი მექსიკას, ოღონდ გატანილი და გაშვებული გოლების სხვაობა არგენტინელთა სასარგებლოდ დარჩება (სადღეისოდ არგენტინას აქვს +1, ხოლო საუდის არაბეთს -1).
ურთიერთ შეხვედრებზე წინ დგას ბურთების სხვაობა და გატანილი გოლების რაოდენობა.
არგენტინა ჯგუფში მეორე ადგილზე გავა თუ მოუგებს პოლონეთს, მაგრამ საუდეთი დაამარცხებს მექსიკას და თან ისე, რომ გატანილი და გაშვებული გოლების რაოდენობა არგენტინაზე უკეთესი ექნება.
არგენტინა ჯგუფში მეორე ადგილზე გავა თუ პოლონეთთან ფრედ ითამაშებს და საუდის არაბეთიც ფრედ ითამაშებს მექსიკასთან ან მექსიკა საუდელებს მოუგებს, მაგრამ ბურთების სხვაობით არგენტინა დარჩება მასზე წინ.
პოლონეთთან არგენტინის ნებისმიერი მარცხი მესისა და მისი თანაგუნდელების ჯგუფში ჩარჩენას ნიშნავს.
