შეიძლება იყოს 1 ადამიანი და ტექსტი, რომელშიც ნაჩვენებია „GEORGIA“-(ი)ს გამოსახულება14 ნოემბერს საქართველოს კალათბურთელთა ნაკრები 2023 წლის მსოფლიოს ჩემპიონატის საკვალიფიკაციო ეტაპზე, თბილისში, იტალიის ნაკრებს უმასპინძლებს.
ილიას ზუროსის გუნდმა ახალ სპორტის სასახლეში ივარჯიშა. როგორც უკვე იცით, საქართველოს ნაკრებს აკლია ორი „ამერიკელი“ – გოგა ბითაძე და სანდრო მამუკელაშვილი. სხვა ყველა კალათბურთელი, ვისი თამაშიც ჩვენი გუნდის ბერძენ მწვრთნელს სურდა, ყველა ადგილზეა.
თამაშის წინა დღეს ზუროსმა გუნდი კომბინაციებზე ავარჯიშა, ბოლოს კი, ყველა კალათბურთელს სროლების დამუშავება თხოვა. ზუროსის თქმით, ისლანდიაში მოგება უმნიშვნელოვანესი იყო, მაგრამ ის თამაში უკვე ჩავლილია. ბერძენი სპეციალისტი ამ ეტპაზე არც თებერვლის მატჩებზე ფიქრობს და უნდა, რომ მსოფლიო ჩემპიონატისკენ კიდევ უფრო დიდი ნაბიჯი საქართველოს ნაკრებმა იტალიასთან გადადგას.
საქართველოს მსგავსად, შემადგენლობაში დანაკლისი იტალიელებსაც აქვთ. NBA-ში მოთამაშე ლეგიონერების გარდა, თბილისში არ ითამაშებენ ნიკოლო მელი, სტეფანო ტონუტი, აკილე პოლონარა და ჯიჯი დატომე.
„აძურის“ მთავარმა მწვრთნელმა, ჯანმარკო პოცეკომ 12-კაციანი განაცხადი თბილისში, ბოლო ვარჯიშის შემდეგ დაასახელა. იტალიის ნაკრების შემადგენლობა ასეთია: მარკო სპისუ, ნიკოლო მანიონი, პოლ ბილიგა, ამადეო ტესიტორი, ჯამპაოლო, რიჩი, რიკარდო მორასკინი, ტომაზო ბალდასო, გულიელმო კარუზო, მიკელე ვიტალი, ლუკა სევერინი, ალესანდრო პაიოლა, ჯონ პეტრუჩელი.
„ჩვენი მიზანია, მეტოქის საუკეთესო კალათბურთელები შევაჩეროთ. უპირველეს ყოვლისა, შენგელია, შერმადინი და მაკფადენი. იქიდან გამომდინარე, რომ ჩვენი გუნდი უფრო „დაბალია“, ფარქვეშ კარგი ტაქტიკური სამუშაოს შესრულება დაგვჭირდება. მთლიანობაში კი, მინდა ჩემმა კალათბურთელებმა ვნებით ითამაშონ და თამაშიდან სიამოვნება მიიღონ“, – განაცხადა პოცეკომ.
შეიძლება იყოს 5 ადამიანი, ადამიანები სპორტით არიან დაკავებული და შენობაში-(ი)ს გამოსახულებაროგორც უკვე იცით, ჯგუფს 6 მოგებით ესპანეთი ლიდერობს, იტალიელებს 5 მოგება აქვთ, საქართველოს ნაკრები 4 მოგებით მესამე ადგილზეა. მსოფლიო ჩემპიონატზე კი, ჯგუფიდან სწორედ სამი გუნდი გადის.
მესამე ადგილისთვის ბრძოლაში ჩვენი მთავარი კონკურენტი ისლანდიაა, რომელსაც ასევე 4 მოგება აქვს. უკეთესი კალენდარი ჩვენ გვაქვს, რადგან ისლანდიას თებერვალში თბილისში ვმასპინძლობთ. თუმცა, იქამდე დიდი დროა და არც არავინ იცის ვინ რა ფორმაში და როგორ შეხვდება საგაისო თამაშებს. გასვლის თეორიული შანსი 2 მოგების მქონე უკრაინასაც აქვს, მაგრამ მათი მისია ურთულესი შესასრულებელია.
შეგახსენებთ, რომ საქართველომ იტალიის ნაკრებთან სტუმრად დაძაბულ ბრძოლაში 84:91 წააგო. თუ საქართველოს ნაკრებმა ხვალ იტალია დაამარცხა, მსოფლიოც იქვეა…
შეიძლება იყოს 2 ადამიანი, ადამიანები სპორტით არიან დაკავებული და შენობაში-(ი)ს გამოსახულება

დაკავშირებული სტატიებიმეტი ავტორი