ბოლო არ ჩანს…

ნიკოლოზ ბასილაშვილი წარუმატებელ სერიას აგრძელებს და არავინ იცის, ამის ბოლო როდის იქნება.

ჩვენებური ისევ პირველი წრიდან გავარდა – ამჯერად, ბულგარეთის დედაქალაქ სოფიაში მიმდინარე ATP-ის 250-იანი კატეგორიის ტურნირზე. ჩვენიანი 38 წლის ესპანელ ფერნანდო ვერდასკოსთან 6:7, 5:7 დამარცხდა.

პირველ სეტი თანაბრად დაიწყო, მერვე გეიმში ბასილაშვილმა ბრეიკი გაახერხა, 5:3 დაწინაურდა და სეტზეც აწვდიდა, მაგრამ საქმე ბოლომდე ვეღარ მიიყვანა. ვერდასკომ მოახერხა და სეტი ტაი ბრეიკში გადაიყვანა, სადაც უბადლოდ ითამაშა – 7:1.

მეორე სეტის დასაწყისი ესპანელის იყო და 3:0 დაწინაურდა, მაგრამ ბასილაშვილმა მოახერხა და ანგარიში გაათანაბრა – 4:4. თუმცა, მე-12 გეიმში საკუთარი ჩაწოდება ესპანელს დაუთმო და მატჩიც დათმო.