ინსინიეს პრობლემები აქვს. „ოჯახური მდგომარების” გამო მან რამდენიმე დღის წინ ვარჯიში გამოტოვა. მეგობრის მხარში დასადგომად ვარჯიში გამოტოვეს მისმა თანამემამულეებმა და თანაგუნდელებმა დომენიკო კრიშიტომ და ფედერიკო ბერნარდესკიმაც. კრიშიტო და ბერნარდესკი ოკეანის გადაღმა ინსინიესთან ერთად გაემგზავრნენ. მანამდე კრიშიტო „ჯენოაში” თამაშობდა, ხოლო ბერნარდესკი „იუვენტუსში”.
კერძოდ რა პრობლემაზეა ლაპარაკი, კლუბი ჯერჯერობით არ ასაჯაროებს, მაგრამ ცნობილია, რომ აგვისტოში, ნეშვილში თამაშის შემდეგ, როდესაც გუნდი თვითმფრინავში ჩაჯდა და ის-ის იყო უნდა gაფრენილიყო, ინსინიემ შეიტყო, რომ მისი ოჯახის წევრი ცუდად არის. იმისათვის, რომ იტალიელ ვარსკვლავს შინიდან სრულყოფილი ინფორმაცია მიეღო, კლუბმა რეისი დააყოვნა. „ნაპოლის” ყოფილი კაპიტანი ამავე მიზეზის გამო ამოიღეს „ოლ სტარის” პროგრამიდან.
ლორენცო ინსინიეს ჰყავს მეუღლე და ორი ვაჟი.
ინსინიემ „ტორონტოსთან” შეხვედრაში ვერ ითამაშა. კანადის გუნდმა „ატლანტასთან” 2:4 წააგო. ბერნარდესკი და კრიშშიტო მოედანზე იყვნენ.
ყურადღება მიიპყრო „ტორონტოს” მეკარემ ქვენტინ ვესტბერგმა, რომელმაც ლუის არაუხოს პენალტი აუღო და თითებით ინსინიეს ნომერი 24 გამოსახა.
