ხორვატიის ქალაქ სპლიტში მიმდინარე წყალბურთელთა ევროპის ჩემპიონატზე საქართველოს ნაკრები მეორე ტურში იტალიას შეხვდა და მეორედ დამარცხდა – 8:18.
ამ წყვილში გამარჯვებული ვინაობა ადვილი გამოსაცნობი იყო. იტალიის ნაკრებს ძლიერი გუნდი ჰყავს და უდავო ფავორიტებიც იყვნენ. აქ საკითხავი ის იყო, დაზოგავდა თუ არა დეიან სტანოიევიჩის გუნდი ძალებს და ყველაფერს დაკვნით მატჩს მოახმარდა. ბოლო თამაში კი სლოვაკებთან გვაქვს, რომლებმაც დღესვე 10:18 წააგეს ჩერნოგორიასთან.
ბოლო ტურში ქულებდაუკარგავი იტალია და ჩერნოგორია ერთმანეთში გაარკვევენ ვინ გავა პირველ ადგილზე, ხოლო უქულო საქართველო და სლოვაკეთი ერთმანეთში შეეცდებიან ფლეი ოფის ბოლო, მესამე გამსვლელი საგზურის მოპოვებას.
