„მანჩესტერ სიტის“ ქომაგებს ახალი საზრუნავი გაუჩნდათ. ახლა, ერლინგ ჰოლანდის სტილს რომ მოერგონ, 8 ათას გირვანქაზე მეტის გადახდა მოუწევთ. საქმე ის არის, რომ „ვესტ ჰემთან“ პრემიერლიგის პირველი ტურის მატჩის წინ, ქალაქელთა ახალწვეული ნორვეგიელი ასეთი ფასიანი ჩანთით გამოჩნდა.
აბა, ბრიტანელ რეპორტიორებს რა გამოეპარებოდათ და დაადგინეს, რომ ეს ჩანთა Keepall Bandouliere 50-ია, რომელიც ლუი ვიტონის ვებ-გვერდზე 3 500 გირვანქა ღირს. გადასაყიდ საიტზე კი სულაც – 8 819.
ჰოლანდმა „ვესტ ჰემს“ ორი გოლი გაუტანა და „სიტის“ მოაგებინა. თუ ნორვეგიელმა ასე გააგრძელა, ჩანთის ფასმა ვინძლო 10 ათასსაც გადააჭარბოს.
