საქართველოს ქალთა ნაკრებმა 44-ე საჭადრაკო ოლიმპიადაზე ბოლო ტურში კი მოიგო, მაგრამ მხოლოდ ვერცხლის მედალს დასჯერდა… არადა, ინდოეთის ნაკრებმა, რომელიც ტურნირს ლიდერობდა, მოულოდნელად 1:3 წააგო აშშ-თან და ჩემპიონობის შანსი სხვა გუნდებს დაუტოვა.
საქართველოს ნაკრებმა აზერბაიჯანი 3:1 დაამარცხა. ყველაფერი უკრაინა-პოლონეთის მატჩის უნდა გადაეწყვიტა. მოგებული ოლიმპიადის გამარჯვებული ხდებოდა, ხოლო ყაიმის შემთხვევაში ოქრო ქართველებს დარჩებოდათ.
სამწუხაროდ, ბოლომდე ჩვენთვის სასურველი სცენარი არ გათამაშდა – უკრაინამ 3:1 იმარჯვა და ჩემპიონიც გახდა.
საქართველოს ვაჟთა ნაკრებმა კი ბოლო ტურში ეგვიპტის ნაკრებთან 2:2 ითამაშა და ტურნირი 14 ქულით დაასრულა.
