საქართველოს ჩემპიონი ბათუმის „დინამო“ პოლონეთში ძალიან შერცხვა!
გია გეგუძაჩის გუნდმა პოზნანში ხუთი უპასუხო გოლი გაუშვა „ლეხისგან“ და საპასუხო მატჩი ფორმალობად აქცია.
ჩემპიონთა ლიგის პირველ საკვალიფიკაციო ეტაპზე ნაჩვენები შედეგებისა და ანგარიშების შემდეგ ჯერ კიდევ ჩანდა იმედის ნაპერწკალი, მაგრამ… ორივე გუნდი რაკლაურად განსხვავებული იყო მოედანზე. განსაკუთრებით ცუდად „ბათუმის“ დაცვის ხაზი გამოიყურებოდა – ზღვისპირელები მარტივად უშვებდნენ გოლებს, ხოლო მეხუთე სულაც სასირცხვილო იყო, როდესაც მეკარე კუპატაძესთან პირისპირ მასპინძელთა ერთბაშად სამი ფეხბურთელი დარჩა.
არადა, ჟურნალისტები თუ გულშემატკივრები მთელი სეზონია იმას გაიძახიან, გუნდში ყველაზე სუსტი რგოლი სწორედ დაცვაა, მაგრამ კლუბის ხელმძღვანელობამ მის შესაცვლელად არაფერი მოიმოქმედა…
ნამუსი ისევ „საბურთალომ“ მოგვწმინდა. ლაშა ნოზაძის გუნდმა შინ 1:0 დაამარცხა რუმინული „სტიაუა“ და შანსი დაიტოვა. გარდა შანსისა, „საბურთალომ“ ფეხბურთიც ითამაშა, იბრძოლა და გოლის გარდა საგოლე მომენტებიც ჰქონდა.
ერთი კვირის შემდეგ გუნდს მძიმე მატჩის ჩატარება მოუწევს, მაგრამ იმ თამაშით, რაც გუნდმა „დინამო არენაზე“ აჩვენა, ყველაფერი მოსალოდნელია.
