„ჩელსიმ” „მანჩესტერ სიტის” ოფიციალურად მიმართა. დასავლეთ ლონდონელებს რაჰიმ სტერლინგის გადაბირების საქმეზე ერთხელ და საბოლოოდ წერტილის დასმა უნდათ.
სტერლინგს „ლურჯების” მწვრთნელთან თომას ტუხელთან „სტემფორს ბრიჯზე” თავისი როლის შესახებ უკვე ნალაპარაკები აქვს და ამიტომაც ტოვებს „ეტიჰედს” თამამად.
ახლა „ქალაქელები” გაბრიელ ჟესუსს „არსენალში” 45 მილიონ გირვანქად გაყიდიან და ამ თანხას სტერლინგში აღებულ სავარაუდო 55 მილიონსაც დაამატებენ.
საბოლოო გადაწყვეტილებას უახლოეს დღეებში მიიღებენ. ერთი ფაქტია, რომ ხუთ წელიწადში ოთხჯერ ჩემპიონობის შემდეგ „სიტი” შემადგენლობის გადახალისებას ცდილობს.
„ჩელსის” სტერლინგთან პირადი საკითხები ჯერ კიდევ მოსაგვარებელი აქვს. კონტრაქტის თანახმად ინგლისის ნაკრების თავდამსხმელმა „სიტიში” ჯერ კიდევ უნდა ითამაშოს ერთი სეზონი. მისი გასამრჯელო კვირაში 300 000 გირვანქაა.
ინგლისურ მედიაში წერენ, რომ თავად სტერლინგსაც სურდა წერტილი დაესვა „სტემფორდ ბრიჯზე” გატარებული შვიდი ვარსკვლავური წლისთვის და ამის შესახებ კლუბის დირექტორებს ერთი თვის წინაც ელაპარაკა. დირექტორებმა მას ვარიანტების გადახედვის დრო მისცეს. როგორც ჩანს კლუბმა დიდი დამსახურების მქონე ფეხბურთელთან განშორების მეგობრული გზა აირჩია.
სტერლინგის გადასვლა „ჩელსიში” ლონდონელთათვის მნიშვნელოვანია. „სტემფორდ ბრიჯს” რომელუ ლუკაკუ ტოვებს და გუნდს შეტევაში ახალი ძალა სჭირდება.
აღსანიშნავია, რომ ტუხელის გუნდს მცველებიც მოსაძებნი ჰყავს: ანტონიო რუდიგერი „რეალში” გადავიდა, სესარ ასპილიკუეტა კი „ბარსელონაში”.
