გიორგი მამარდაშვილის კლუბის „ვალენსიას” ლეგენდარულ სტადიონს, „მესტალიას” მომავალ სეზონში 100 წელი უსრულდება. როგორც ჩანს, “ღამურები” ამ იუბილეს „რეალთან” საშინაო შეხვედრაში აღნიშნავენ.
„ვალენსია” „რეალს” 2023 წლის მაისის ბოლოს, 35-ე ტურში მასპინძლობს. მატჩი 21 მაისს არის დანიშნული.
„ვალენსიასა” და „რეალის” კალენდარული შეხვედრის გარდა, საზეიმო დღეებში დანიშნულია „ჩეებისა” და „ლევანტეს” ლეგენდების შეხვედრაც. სწორედ ამ გუნდების დაპირისპირება იყო პირველი, რომლითაც „მესტალიას” ისტორია დაიწყო.
