ცნობილი გახდა, რომ კოლუმბიელი პოპ-მომღერალი შაკირა, თავის ოდინდელ პარტნიორს, „ბარსელონას“ მცველ ჟერერ პიკეს დაშორდა. მომღერალმა ის ღალატში ამხილა. და არ გაინტერესებთ ვისთან უღალატა პიკემ? თანაგუნდელ გავის დედასთან!
45 წლის შაკირა და 35 წლის პიკე ერთად 11 წელიწადს ცხოვრობდნენ და ორი შვილი ჰყავთ.
თითქოს ეს არ ეყოფოდაო, შაკირას მოხუცი მამა ცუდად დაეცა და საავადმყოფოში გადაიყვანეს.
„მეგობრებო ბევრ შეტყობინებას ვიღებ იმასთან დაკავშირებით, რომ ბარსელონაში სასწრაფო დახმარების მანქანაში დამინახეს. მინდა გითხრათ, მამაჩემი ცუდად დაეცა და მას ვახლდი სასწრაფოში. ახლა ის საავადმყოფოშია და აღდგენით პროცედურებს გადის. მადლობა ყველას სიყვარულისა და თანადგომისთვის,“ – წერს შაკირა სოციალურ ქსელში.
შეშფოთებული გზავნილების მთავარი თემა კი მომღერლის ბოლოდროინდელი ოჯახური დრამა ყოფილა. ბევრს ჰგონებია, შაკირა პიკესან განშორებას განიცდის, ცუდად გახდა და სასწრაფოში ამიტომ იჯდაო.
