გოლით ფრთაშესხმულმა ფრანგებმა ერთიხანობა ლამაზი შემტევი ფეხბურთი ითამაშეს, მაგრამ დანიელებმა წარბი არ შეიხარეს და კორნელიუსმა 68-ე წუთზე ასევე ლამაზად გაქვითა. შემდეგ ნგოლო კანტეს შეეძლო კვლავ წინ გაეყვანა მასპინძლები, მაგრამ ძელს გაარტყა ბურთი. კრისტიან ერიკსენს უგო ლორისმა არ გაატანინა, არადა ამ ეპიზოდში თითქოს უეჭველად გოლი უნდა გასულიყო. 88-ე წუთზე კი კორნელიუსმა გამარჯვებისა შეაგდო.
„თამაშში უკეთ ჩავერთე ვიდრე ველოდი. ფანტასტიკური განცდა იყო, როდესაც 80 ათასი მაყურებლის წინაშე, საუცხოო ატმოსფეროში მოედანზე გავედით და გავიმარჯვეთ. ჩვენ ძლიერი გუნდი გვყავს, ყველა რგოლში მაღალი დონის ფეხბურთელებით. პატარა ქვეყანას წარმოვადგენთ, მაგრამ შეგვიძლია საუკეთესოებს ტოლი არ დავუდოთ”, — თქვა კორნელიუსმა მატჩის შემდეგ.
უგო ლორისი: „წაგებამ გული დაგვწყვიტა. ჭკუა უნდა ვისწავლოთ. ბოლოხანს კარგ ფორმაში ვართ, მაგრამ ამ დამარცხებამ დაგვამძიმა. საჭიროა გონს მოვეგოთ და შემდეგ შეხვედრაში გავიმარჯვოთ”.
შემდეგი თამაში ფრანგებს 6 ივნისს ხორვატიაში აქვთ, ხოლო ფრანგებს ავსტრიაში.
