ლივერპული საჩემპიონო აღლუმს გამართავს

„ლივერპულის“ ხელმძღვანელობამ საჩემპიონო აღლუმი დაგეგმა.

ღონისძიება ლივერპულში გაიმართება 29 მაისს. ეს კი ჩემპიონთა ლიგის ფინალის მეორე დღეა, რომელშიც მერსისაიდელები მადრიდის „რეალს“ დაუპირისპირდებიან.

22-ში კი პრემიერლიგის ბოლო ტური ელით, რომლის შემდეგაც დიდი ალბათობით ჩემპიონი „მანჩესტერ სიტი“ გახდება…

მაშ რაშია საქმე?

საინტერესო ის არის, რომ ლივერპულელები ინგლისის ორივე თასის (ლიგის და ასოციაციის) მოპოვებას აღნიშნავენ, ამიტომ მნიშვნელობა არ აქვს რა მოხდება 28-ში პარიზულ ფინალში, ან პრემიერლიგის ბოლო ტურში.

აღლუმზე გუნდის ფეხბურთელები ქომაგებს ღია ავტობუსიდან მიესალმებიან. ეს არის 13,5 კილომეტრიანი მარშრუტი ქალაქის ქუჩებში.