ყველანაირი ეჭვები მოისპო: „ნაპოლის“ პრეზიდენტმა აურელიო დე ლაურენტისმა დაადასტურა, რომ ხვიჩა კვარაცხელია მის კლუბში იქნება.
დე ლაურენტისმა ეს ვრცელ ინტერვიუში თქვა, ბევრ საკითხს შეეხო და ასევე განაცხადა რომ ქართველის ტრანსფერი მოგვარებულია.
როგორც იცით, ხვიჩა ბათუმის „დინამოში“ თამაშობს და მშვენიერ ფორმაშიც არის. „ნაპოლიში“ რა ამბებია? ამბობენ, რომ ლუჩანო სპალეტი, შესაძლოა, გაათავისუფლონ.
სპალეტიმ, როგორც უკვე სისტემატურად ხდება მის კარიერაში, თითქმის მთელი სეზონი კარგად ჩაატარა და ბოლო ტურები ჩააგდო…
ნეაპოლელები ჩემპიონობისთვის იბრძოდნენ, მაგრამ ბოლო რამდენიმე თამაში ცუდი შედეგი ჰქონდათ. დე ძერბი „შახტარიდან“ და იტალიანო „ფიორენტინადან“ – მწვრთნელის ამ ორ სავარაუდო შემცვლელზე საუბრობენ.
