„სოსიედადი“ – „ბარსელონა“ 0:1. კატალონიელებმა პიერ-ემერიკ ობამეიანგის გოლით მოიგეს. 2006 წლის მერე პირველად მოხდა, რომ ესპანურ ლა ლიგაში „ბარსელონას“ ბურთის ფლობა 50 პროცენტზე ნაკლები ჰქონდა – 44,3 %.
16 წლის წინ „ბეტისთან“ ჰქონდათ 44 %. აბა, 2008 წელს პეპ გვარდიოლა მივიდა და „ბარსა“ ბურთს უმალავდა მეტოქეებს. ალბათ, არაესპანურ გუნდებთანაც იშვიათად იქნება შემთხვევა, როცა ბარსელონელებს მეტოქეზე ნაკლებად ჰქონიათ ბურთი ერთ მატჩში…
„სოსიედადთან“ მატჩში კი „ბარსელონამ“ მასპინძელთა კარში სულ ერთხელ და საგოლედ დაარტყა. გოლი შეხვედრის დასაწყისშივე პიერ-ემერიკ ობამეიანგმა გაიტანა.
