1 აპრილს, ყატარში, დოჰას საგამოფენო ცენტრში, მსოფლიოს 2022 წლის ჩემპიონატის ფინალური ეტაპის წილისყრა გაიმართება.
მასპინძელი მხარე საფრანგეთის ფეხბურთის ფედერაციას მოელპარაკა, რათა ფრანგთა ვარსკვლავს, კილიან მბაპეს, წილისყრის ცერემონიაზე მიეღო მონაწილეობა. ფრანგული ფეხბურთის მამები დათანხმდნენ. თუმცა თავად მბაპემ ცივი უარი განაცხადა. აქაო და, ეროვნული გუნდის კაპიტანი არ ვარო…
შეგახსენებთ, რომ დღეისათვის 32-დან 29 ფინალისტის ვინაობაა ცნობილი. ესენი არიან: მასპინძელი ყატარი, ინგლისი, ბელგია, გერმანია, დანია, ესპანეთი, ნიდერლანდები, პოლონეთი, პორტუგალია, სერბეთი, საფრანგეთი, ხორვატია, შევეიცარია, ბრაზილია, არგენტინა, ურუგვაი, ეკვადორი, განა, მაროკო, სენეგალი, კამერუნი, ტუნისი, ირანი, საუდის არაბეთი, სამხრეთ კორეა, იაპონია, კანადა, აშშ, მექსიკა. დანარჩენი სამი ფინალისტის ვინაობა მოგვიანებით, ფლეი ოფის შედეგად გახდება ცნობილი. ერთი ადგილი ევროპის იქნება, დანარჩენ ორსაც სამხრეთ და ჩრდილოეთ ამერიკის, ოკეანეთისა და აზიის გუნდები გაინაწილებენ.
