ქარიმ ბენზემა „რეალი“ – „ბარსელონას“ მატჩს გამოტოვებს.
„ელ კლასიკო“ 20 მარტს გაიმართება მადრიდში.
ბენზემას გარეშე „რეალი“ წარმოუდგენელიც კი გახდა, ასე რომ, ეს დიდი დანაკლისია. მადრიდელთა ცხრიანმა „მალიორკასთან“ შეხვედრაში კუნთი დაიზიანა და ვერც პარასკევს ივარჯიშა, ვერც შაბათს.
ესპანელები წერენ, რომ ამ ეტაპზე ბენზემას თამაში გამორიცხულია და საფრანგეთის ნაკრებსაც დააკლდება მარტის ბოლოს ჩასატარებელ ამხანაგურებში.
ჩავის „ბარსელონას“ კი მოგების შანსი გაეზარდა.
