გაიმართა ევროპა ლიგის მეოთხედფინალ – ნახევარფინალების წილისყრა.ევროპა ლიგით დავიწყოთ, სადაც საკმაოდ ძლიერი შემადგენლობაა. ჯერ მარტო „ბარსელონა“ რად ღირს…
ჩავის გუნდი მშვენიერ ფორმაშია და რა თქმა უნდა, ამ ტურნირის მთავარი ფავორიტია, მით უმეტეს სწორედ აქეთაა გადართული: საშინაო სარბიელზე ვერც ლა ლიგას მოიგებს, ვერც სამეფო თასს.
აი, წყვილებიც: „ლაიფციგი“ – „ატალანტა“; „აინტრახტი“ – „ბარსელონა“; „ვესტ ჰემი“ – „ლიონი“; „ბრაგა“ – „რეინჯერსი“.
თამაშები 7 და 14 აპრილს იქნება.
რაც შეეხება ნახევარფინალებს, „ლაიფციგი“ – „ატალანტას“ წყვილიდან გასული შეხვდება „ბრაგა“ – „რეინჯერსიდან“ გასულს; „აინტრახტი“ – „ბარსელონას“ გამარჯვებული კი „ვესტ ჰემი“ – „ლიონში“ მოგებულს. ნახევარფინალები იქნება 28 აპრილსა და 5 მაისს, ხოლო ფინალი – 18 მაისს სევილიის „რამოს სანჩეს პისხუანზე“.
და კონფერენციის ლიგა… საინტერესოა, რომ ნორვეგიის „ბოდო გლიმტი“ და „რომა“ ჯგუფშიც ერთად იყვნენ და მაშინ სკანდინავიელებმა 6:1 გაანადგურეს ჟოზე მოურინიუს გაწვრთნილები.
რვა გუნდიდან სამს მოგებული აქვს ჩემპიონთა თასი: პსვ, „მარსელი“, „ფეიენოორდი“…
„ბოდო გლიმტი“ – „რომა“; „ფეიენოორდი“ – „სლავია“; „მარსელი“ – პაოკი; „ლესტერი“ – პსვ. ნახევარფინალში „ლესტერი“ – პსვ-ში მოგებული შეხვდება „ბოდო გლიმტი“ – „რომას“ შორის უკეთესს; „მარსელი“ – პაოკს შორის მოგებული კი „ფეიენოორდი“ – „სლავიას“ შორის გამარჯვებულს.
კალენდარი იგივეა, როგორც ევროპა ლიგაზე… თამაშები ხუთშაბათობით იქნება.
რაც შეეხება ფინალს – 25 მაისს ალბანეთის დედაქალაქ ტირანაში ჩატარდება. ახალი „არენა კომბიოტარე“ 23 000 მაყურებელს იტევს.
