4 ქულა… აზრი?

„დორტმუნდმა“ „მაინცს“ სტუმრად 1:0 მოუგო და 4 ქულითღა ჩამორჩება ბუნდესლიგის ლიდერ მიუნხენის „ბაიერნს“. აქსელ ვიტცელმა 87-ე წუთზე გატანილი გოლით დააბრუნა ინტრიგა გერმანიის ჩემპიონატში. თან, გუნდებს ერთმანეთში სათამაშო აქვთ, მიუნხენშია დარჩენილი ეს მატჩი, სულ კი ბუნდესლიგაში 8 ტური დარჩა.

მაგრამ, ვითომ ნამდვილად დაბრუნდა ინტრიგა? ქულებით თითქოს დიახ, მაგრამ რეალურად არის კი „დორტმუნდი“ „ბაიერნის“ შემჩერებელი ამ ეტაპზე?

დაახლოებით ორი თვის წინ დორტმუნდელთა ხელმძღვანელობამ განაცხადა, მათი ფინანსები ჩვენსას იმდენად აღემატება, თანაბარ ბრძოლაზე ლაპარაკიც ზედმეტიაო.

გულწრფელები იყვნენ?

ამასობაში კი ხმები დაირხა, „ბაიერნი“ დორტმუნდელთა მარგალიტ ერლინგ ჰოლანდის საკითხზე გააქტიურდაო. მიუნხენელები შემჩნეულები არიან კონკურენტების დასუსტებაში, მაგრამ აქ ერთი მომენტია – ლევანდოვსკი… ჰოლანდზე გააქტიურება ავტომატურად იმას ხომ არ ნიშნავს, რომ პოლონელი მიდის? ამაზე კი ბოლო დღეებში ხშირად იწერება…